काव्यपुष्प-२२८ फादर्स डे

जागतिक पितृदिनाच्या हार्दिक शुभेच्छा!

         बाप हा बापच असतो  

घराच्यांच्या छायेची सावली

हाकेला धावते विठू माऊली

सतत असते घराची काळजी

उत्कर्षाचा ध्यास पावलोपावली ||

कर्तृत्वाचा आलेख बापमाणूस कुटूंबातील दातृत्वाचा कर्तामाणूस परमेश्वर दाखविणारा देवमाणूस नाती गोती जपणारा जनमाणूस||

बाप असतो आगर आधाराचे  

समस्या त्याचे मन जाणते 

मुलांच्या आनंदाच्या खुशीचे 

स्मितहास्य चेहऱ्यावर फुलते ||

असते नजरेत धाक पण हृदयात ममता

कोडकौतुक लाड पण चुकीला धपाटा 

जिंकण्याची उमेद अन् जिद्दीचा ध्यास 

यशाला शाबासकी पण चुकीला रट्टा|| 

नतमस्तकतेचे क्षमाशील व्यासपीठ

कृतीयुक्त विचारांचे संस्कार पीठ

प्रापंचिक जीवनाची घडी बसवतो नीट

अनुभवांच्या शिदोरीची गोडी अवीट ||

रवींद्र लटिंगे ओझर्डे वाई

चटकन ओळखता नाही येत  

फार वेगळं असतं बापाचं मन

स्वत: बाप असल्याशिवाय

उमजत नाही बापाचं मन ||

अभिजित भिडे