काव्य पुष्प क्रमांक-२५२ शिदोरी प्रत्येकाच्या जीवनासाठी

प्रा.कुंडलिक कदम पुणे लिखित शिदोरी पुस्तकावरील काव्य पुष्प

शिदोरी,प्रत्येकाच्या जीवनासाठी…

प्रत्येकाच्या सदानंदी जीवनासाठी

सकारात्मक भावविचारांची शिदोरी

जिव्हाळ्याच्या शब्दपालखीत नाचती

शक्तीभक्तीमय चैतन्याचे वारकरी ||

आजी-आजोबा अनुभवांचे व्यासपीठ

आई-वडील सुसंस्कारांचे विद्यापीठ

'आधारवड' बुजुर्ग सल्ल्यांचे विचारपीठ 

मूल्यांची शिदोरी आधाराचे ज्ञानपीठ|| 

वडिलधाऱ्या जेष्ठांची मायेची साथ

उकलत जाते समजावण्याची गाठ

कलह रुसण्या अबोल्यावर मात 

जीवनात येत असते संघर्षाची वाट||

प्रेरणा कामाची कौतुके मिळते

जेष्ठांच्या कष्टांचे मनी जाणते

संवाद चर्चाने मनमयूर नाचते

सुखसमाधान जीवनात फुलते ||

संवर्धूया गावच्या मातीशी नातंगोतं

त्यातून झळकेल प्रेमाची झालर

सळसळेल प्रेमळ आपुलकीचं नातं

त्यातून फुलेल भावनांचा बहर||

श्री रवींद्रकुमार लटिंगे ओझर्डे वाई

काव्य पुष्प क्रमांक-२५२