लावणीचे लावण्य काव्य पुष्प-१९९
लावणीचे लावण्य
लोक संगीताची अदाकारी
मराठी माणसं फिदा सारी
अदा भाव भक्तीची शृंगारी
शालूची नजाकत भरजरी|
पायपेटीच्या सूरावर
ढोलकीचा खणखणाट
तुणतुण्याच्या तालावर
घुंगरांचा खळखळाट |
पदलालित्याने मोहीत मनमयुरा
सातासमुद्रा पलिकडे तिला मान
नेत्रकटाक्षाने घायाळ दिलवरा
उत्सव सोहळ्याची लावणी जान |
नाच कडक ठसकेबाज
शब्द चपखल चटकेबाज
अभिनय भावस्पर्शी भावनेबाज
त्रिवेणी संगम लावणी रंगबाज |
तमाशातील अस्सल सौंदर्य
नृत्याने नजरकैद करते
दिलखेचक खड्या आवाजाने
अन् हावभावाने मंत्रमुग्ध करते |
मराठमोळी लावणी बहार आणते
नृत्याविष्काराचा रंग ऊधळते
रसिक मायबापा फिदा करते
टाळ्या शिट्यांचा पाऊस पाडते |
लावणी समाजमनातील वेध भावनांचा
कलावंतांच्या निस्सीम कलेचा
नाच गाणं अभिनयाच्या अदाकारीचा
रसिक प्रेक्षकांच्या मनोरंजनाचा |
श्री रविंद्र लटिंगे ओझर्डे वाई
काव्य पुष्प-१९९
Comments
Post a Comment