खळ्यातली मळणी काव्य पुष्प २०३
खळ्यातली मळणी
शेतीची पारंपरिक वहिवाट
यंत्रामुळं दिसेनासी झाली
अनवट वाटेच्या खळ्यानं
गावची आठवण तराळली|
शेतीच्या वहिवाटीची पेरणी
एका छायाचित्राने बिंबवली
काबाडकष्ट करणाऱ्याच्या रानी
शेतीची सुगी अधोरेखित केली |
गव्हाची मळणी धरली
एकाएकी हवा बदलली
वातावरण झालं ढगाळी
थेंब टपकू लागलं अवकाळी|
खळ्यात पेंढ्या झाकण्याची
उडाली धांदल शेतकऱ्याची
पोटापुरतं धान झोळीत टाका
कष्टाच्या भाकरीची आब राखा |
श्री रविंद्र लटिंगे ओझर्डे वाई
छायाचित्र साभार- अॅग्रोवन सकाळ
Comments
Post a Comment