वन भटकंती काव्य पुष्प-१९८

    

वन भटकंती  

ओहळाचं खळाळतं पाणी 

वारा गातो गुंजन गाणी 

पाखरांची किलबिल वाणी 

वृक्षलतांची सळसळ वनी |

पाखरे विहरती रानोमाळी

जीवनदायिनी नद्या तळी

सदाहरित छाया वृक्षवल्ली 

मोरपिसांनी गारवा घाली |

चढउताराच्या जंगलवाटा

 निर्झराचे अवखळ पाणी 

 किर्र झाडीतल्या अनवटवाटा

जंगल वाचूया पाऊलखुणांनी|

रम्य दृश्याने मन बावरते

कातळ पाषाणाने मन वेडावते 

सृष्टी पाहुनी मन सुखावते 

कैकदा पाहिलं तरी नवानुभव देते |

तुझ्या सौंदर्याच्या गंधाने 

आसमंत दरवळू दे

तुझ्या निसर्गरम्य दृश्याने 

मन रेंगाळत राहू दे|

जंगलाची जैवविविधता 

वाचायला अरण्यलिपी जाणूया

विहंगम नयनरम्य क्षेत्राचे 

दृश्य ह्रदयात साठवूया |

श्री रविंद्र लटिंगे ओझर्डे वाई

काव्य पुष्प-१९८

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com