फुलांनी बहरलेली काटेसावर काव्य पुष्प-२०७
फुलांनी बहरली काटेसावर
निळ्या आकाशी रुप गोजिरे
फांद्यांना लगडली शेंदरी झुंबरे
अंगाखांद्यावर फुलले फुलोरे
झाडाचे रुप नव्याढंगात साजिरे|
उमलते फुल प्रतिक प्रितीचं
गुलाबी ढंगात सजण्याचं
नवलाईचं रुप काटेसावरीचं
दुसऱ्यांना हर्ष वाटण्याचं|
पंचकार खुलली पाकळ्यांची
गोलाकार तुराई पुंकेसरांची
काळसर ठिपकं परागाची
फांद्यावर नक्षी रंगमाळेची|
मकरंद शोषायला भुंगे भ्रमरतात
मकरंद खायला पक्षी झेपावतात
मकरंद चाखायला मक्षिका आकर्षितात
अनामिक वासाने परिसर गंधाळतात |
फुलांना गुलाबी रंगात खुलविते
वृक्षाचे सौंदर्य मनाला भुलविते
निसर्गाची रंगपंचमी आरंभिते
रंगउधळण आविष्कारात सजते |
निसर्गाची रंगपंचमी गुलाबी शेंदरी रंगोत्सव जुनी पानगळ होऊनी आरंभिला झुंबरं उत्सव❗🍁
श्री रविंद्र लटिंगे ओझर्डे वाई
Comments
Post a Comment