कविता आनंदाची शाळा

              आनंदाची शाळा 

गावाचा अभिमान आमचा अभिमान 

सातारा जिल्हा परिषदेची शाळा 

आनंदी वातावरणात आनंद पेरणारी 

सातारा जिल्हा परिषदेची शाळा |१|

 ज्ञान विज्ञान कला आणि क्रीडा 

कृतियुक्त शिक्षणाचा फुलवूया मळा

सातारा जिल्हा परिषदेच्या शाळेत 

शिकायला बाळांना लावूया लळा|२|

सर्वांगीण व्यक्तिमत्व विकासासाठी 

केंद्र ते जिल्हास्तरीय विविध स्पर्धा 

कलाविष्काराला बालआनंद मेळा

केंद्र ते जिल्हास्तरीय क्रीडा स्पर्धा |३|

अभिव्यक्तीला वाव आनंददायी शनिवारी 

अभ्यास सहलींतून भटकंतीची वारी

विविध स्पर्धा परीक्षांचा पॅटर्न सातारी 

 जिल्हा परिषदेची शाळाच लय भारी |४|

अवांतर गोष्टींची पुस्तकं वाचून 

परिचयाची वाचनउत्सवात संधी 

बालसाहित्य,ईबुक्स वाचनाच्या 

आवडीने विद्यार्थी बनतील छंदी |५|

शाळेच्या परसबागेत फुलतो 

भाजीपाल्याचा फळांचा बहार 

शारीरिक तंदुरुस्तीला त्रिस्तरीय 

सकस स्वादिष्ट पोषण आहार  |६|

नाविन्यपूर्ण विज्ञान केंद्रात 

कृतीयुक्त अध्ययनअनुभव 

 गुणवत्ता संवर्धनासाठी 

उपक्रम सगळे अभिनव |७|

श्री रवींद्रकुमार लटिंगे 

शाळा माझेरी पुनः ता.फलटण