काव्य पुष्प मायबोली कविता

मराठी साहित्य संमेलन सातारा....

  मराठी साहित्य संमेलन..

शब्दोत्सव सोहळा रंगणार

अजिंक्यताऱ्याच्या अंगणी

दरवळणाऱ्या शब्दगंधात 

न्हायला चल जाऊ सजणी |

वाचनवेड्या रसिकांना मिळणार

अक्षरसाहित्याच्या खरेदीची पर्वणी 

साहित्य संमेलनात उलगडणार

माझ्या मायबोलीची कहाणी |

कथाकवितांची मैफिल सजणार 

परिसंवादात व्याख्याने गाजणार 

मुलाखतीतून यशोगाथा उलगडणार 

लेखक कवी साहित्यिक भेटणार|

आख्यानातून ओळख 

लोकसंस्कृतीची

बहुरूपी भारुडातून 

महती संतजनांची

ग्रंथदिंडीत पाऊले उमटणार

 प्रतिभावंतांची

भेट ही मराठी साहित्याच्या 

उत्सवाची |

श्री रवींद्रकुमार लटिंगे वाई सातारा