सेवानिवृत्ती गौरव सोहळा

आज वयगाव,वाशिवली व मेणवली केंदसमुहाचे *केंद्रप्रमुख ,आमचे सन्माननीय बापूराव भगवान वैराट साहेब* हे नियतवयोमानाने २८ फेब्रुवारी रोजी सेवानिवृत्त होत आहेत.

*"आजची सकाळ एक बातमी घेऊन आली.

जी ऐकूण क्षणभर शांतता पसरली

सेवापुर्तीच्या वृत्ताने नयन भरुन आले 

अन् क्षणात आपले ज्ञानकार्य मनी दिसू लागले"*

या चार ओळी लिहिणे जेवढे सोपे तेवढे प्रत्यक्षात आणणे महाकठीण…पण आपण मात्र या आज सत्य करवून दाखवल्या.

*सर्वांशी मिळूनमिसळून,शिक्षकांचा कल पाहून काम कसं करावं अथवा करवून घ्यावं* हे जर कोणाकडून शिकायचे असेल तर आपल्याकडूनच.  *कोणत्याही वयाच्या शिक्षक सहकार्यासोबतच काय तर विद्यार्थ्यांनसोबत ही आपण दुधात साखर विरघळावी तसे आपण विरघळलात.* 

म्हणूनच म्हणावेसे वाटते,

*आठवणी आपल्या सोबतच्या पुन्हा पुन्हा आठवतात*

*नयन सागरात दाटलेल्या अश्रूंना त्याच तर पाठवतात.*

आपल्या सोबत घालवलेला प्रत्येकक्षण आम्हांस नक्कीच बरेच काही शिकवून गेला.या शिदोरीवर नक्कीच आम्ही आमच्या आयुष्यातील हा ज्ञानदानाचा प्रवास दैदिप्यमान करु.मात्र

*वाटले नाही कधी आम्हाला तुमचा निरोप आपला घ्यावा लागेल*

*सदा हास्यरूपी गालावर लपलेला अश्रूचा थेंब नकळत ओघळेल*

असो पण नक्कीच आपले यानंतर चे आयुष्य सुखी समाधानी जाईल अशा हृदयापासून शुभेच्छा देतो. 

*सहवास सुटला म्हणून सोबत सुटत नाही*

*नुसता निरोप दिल्याने नाते तुटत नाही*

आपलं हे मित्रत्वाचे शालेय सहकार्याच्या पलीकडचे नाते हे चिरंतर राहील एवढे मात्र नक्की.

# मराठीच्या प्रांगणी    

शारदेच्या अंगणी    

कृष्णेच्या काठी

सेवागौरवा साठी...….

जमले ज्ञानरथाचे यात्री 

घेऊन शुभेंच्छांची जंत्री

वैराट सरांची सेवापुर्ती

जुळली आपुलकीची नाती……..

   -आपले शुभेच्छुक-  

  वाशिवली केंद्रसमुहातील सर्व शिक्षकवृंद                                        -          -शब्दांकन-

 रविंद्र लटिंगे शाळा कोंढावळे 

    दिनांक-२७फेब्रुवारी २०२२