काव्यपुष्प:२५६ इंद्रधनू
श्रावणातल्या ऊनपावसातील इंद्रधनूचे विलोभनीय दर्शन आज आषाढात झालं!
इंद्रधनुष्य
आकार सातरंगी वर्णपटाचा
निसर्ग आहे किमयागार
पिवळ्या प्रकाश किरणांचा
क्षणभर दिसे चमत्कार||
आषाढ मासातही रंगला
खेळ ऊनपावसाशी
इंद्रधनूचा गोफ विणला
कृष्णधवल अवकाशी ||
उमटली आभाळाच्या पाटीवर
मनमोहक सप्तरंगी कमान
वाऱ्यासंगे रिमझिम पावसाचे
गायन वादन छान छान||
साज तुषार किरणांचा
उभारला आसमानी
नजराणा इंद्रधनूचा
भुरळ घालतो मनी||
Comments
Post a Comment